බියොන්සේ තම නව ගීතයෙන් අපහාසාත්මක යෙදුමක් ඉවත් කරයි

ලොව ප්‍රකට ගායිකාවක් වන බියොන්සේට ඇගේ නව ගීතය වන “Renaissance” තුළින් ආබාධිත පුද්ගලයින් සඳහා වන අපහාසාත්මක යෙදුමක් ඉවත් කිරීමට සිදුව තිබෙනවා.

ඒ රැප් ගායිකාවක් වන ලිසෝ ද එම වචනයම ඉවත් කිරීමට පද රචනය වෙනස් කර සති කිහිපයකට පසුවයි.

බියොන්සේගේ ප්‍රකාශිකාවක් සඳුදා ඇසෝසියේටඩ් ප්‍රෙස් (Associated Press) වෙත ප්‍රකාශයක් කරමින් සඳහන් කළේ අනතුරුදායක ආකාරයෙන් හිතාමතාම භාවිතා නොකළ වචනය ප්‍රතිස්ථාපනය කරනු ඇති බවයි.

ඒ අනුව පැමිණිලි වලින් පසුව නව ගීතයකින් ආබාධිත පුද්ගලයින් සඳහා වන අපහාසාත්මක යෙදුම ඉවත් කළ දෙවන කලාකරුවා බවට බියොන්සේ පත් වෙනවා.

කැනේඩියානු රැප් ගායක ඩ්‍රේක් තවත් කිහිප දෙනෙකු සමඟ එක්ව රචනා කරන ලද “Heated” ගීතයේ ඇතුළත් “spaz” යන වචනය මස්තිෂ්ක අංශභාගයේ ආකාරයක් වන ස්පාස්ටික් ඩිප්ලෙජියා (spastic diplegia) යන වෛද්‍ය යෙදුමට නින්දා සහගත සඳහනක් ලෙස සලකනු ලබනවා.

ආබාධිත උපදේශකයින් මෙම පද රචනය ගැන පැමිණිලි කිරීමෙන් පසු ජුනි මාසයේදී ලිසෝ ඇගේ එක් ගීතයක් වන “Grrrls” වෙතින් එම වචනය ඉවත් කරන ලදී.

ලිසෝ ප්‍රකාශයක් නිකුත් කරමින් කියා සිටියේ තමාට කිසි විටෙකත් අපහාසාත්මක භාෂාව ප්‍රවර්ධනය කිරීමට අවශ්‍ය නොවන බවයි.

වෙනසට තුඩු දෙන ලිසෝගේ පද රචනය පෙන්වා දුන් ආබාධිත උපදේශක හැනා ඩිවිනි ට්විටර් හි පළකර ඇත්තේ බියොන්සේ විසින් නැවත භාවිතා කරන ලද වචනය ඇසීම තමන්ට, ආබාධිත ප්‍රජාවට සහ ලිසෝ සමඟ අප ලබා ගැනීමට උත්සාහ කළ ප්‍රගතියට එල්ල කළ අතුල් පහරක් ලෙස හැඟුණු බවයි.

Related posts

Leave a Comment