බදු අය කිරීම අඩු වෙයි?

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ මහතා ඉදිරියේදී බදු සංශෝධනයක් සිදුවිය හැකි බවට ඉඟි පළ කළා. ඒ අනුව තීරණාත්මක ක්ෂේත්‍ර කිහිපයක බදු සංශෝධනය කිරීම කෙරෙහි රජයේ අවධානය යොමුවී ඇති බවයි වාර්තා වන්නේ. බදු අය කිරීම සම්බන්ධයෙන් ඇතැම් වෘත්තිකයන් දැඩි ලෙස විරෝධය පළ කිරීම නිසා මේ කාරණය සම්බන්ධයෙන් අවධානය මෙසේ යොමුවී ඇති බව රජයේ ආරංචි මාර්ගවලින් දැනගන්නට ලැබී තිබෙනවා. මේ අතර වෛද්‍යවරුන් ඉංජිනේරුවන් නීතිඥයන්, සරසවි ආචාර්යවරුන් ඇතුළු වෘත්තිකයන් විශාල පිරිසක් අධික බදු අය කිරීම නිසා රට අතහැර යෑමේ සූදානමක් පවතින බවට බුද්ධි අංශ රජයට කරුණු වාර්තා වනවා.

නිදහස් උත්සවයේ ජංගම වැසිකිළි සඳහා එක්කෝටි හතළිස් දෙලක්‍ෂකට ආසන්න වියදමක්

75 වැනි ජාතික නිදහස් දින උත්සවයේ ජංගම වැසිකිළි සඳහා පමණක් වියදම එක්කෝටි හතළිස් දෙලක්‍ෂ පනස් අටදහස් අටසිය පනහක් බව වාර්තා වනවා. මේ බව අල්ලස, නාස්තිය, දූෂණයට එරෙහි පුරවැසි බලය සංවිධානයේ සභාපති ජාමුනි කමන්ත තුෂාර මහතා ‘සඳහන් කළා. රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශ අතිරේක ලේකම් (පාලන) පී. එස්. පී. අබේවර්ධන මහතා නිකුත් කළ ලේඛනයේ මේ බව සඳහන්ව ඇතැයි ද තුෂාර මහතා සඳහන් කළා. තොරතුරු දැනගැනීමේ පනත යටතේ පුරවැසි බලය සංවිධානය විසින් අමාත්‍යාංශයෙන් නිදහස් දිනයට වැය කරන මුදල සම්බන්ධයෙන් ඉල්ලා සිටි තොරතුරු අනුව එම අමාත්‍යාංශය ලබාදුන් වාර්තාවේ…

කාන්තා ලෝක කුසලානයේ ශ්‍රී ලංකාවේ පළමු පුහුණු තරගය හෙට

දකුණු අප්‍රිකාවේ පැවැත්වෙන කාන්තා ලෝක කුසලාන පන්දු වාර විස්ස තරගාවලිය ආරම්භයට පෙර ශ්‍රී ලංකා කාන්තා කණ්ඩායම පුහුණු තරග 2ක් සඳහා සහභාගී වීමට නියමිතයි.   එහි පළමු තරගය අයර්ලන්තය සමඟ හෙට (06) මෙරට වේලාවෙන් 1.30ට පැවැත්වීමට නියමිතයි.   එමෙන්ම දෙවන තරගය කොදෙව් කාන්තා කණ්ඩායම සමඟ ලබන 8 වනදා මෙරට වේලාවෙන් පස්වරු 6ට පැවැත්වන බව සඳහන්.

බහාලුම් 88ක් ගැන ගත් හදිසි තීරණයක් ගනී

වරාය අධිකාරියේ ගුදම් තුළ දිරාපත් වෙමින් තිබෙන භාණ්ඩ ඇතුළු බහාලූම් 88ක් සතියක් ඇතුළත ඉවත් කිරීමට පියවර ගන්නා ලෙස වරාය අමාත්‍ය නිමල් සිරිපාල ද සිල්වා මහතා උපදෙස් ලබාදී තිබෙනවා. වසර ගණනාවක් තිස්සේ ආනයනය කර රේගුව විසින් රඳවා ගත් රුපියල් බිලියන 05ක් පමණ වටිනා භාණ්ඩ සහ බහාලූ තොගයක් වරාය පර්යන්තයේ හා ගුදම් තුළ සිර වී ඇති බවට වරාය අධිකාරිය පසුගිය දා දැනුම් දී තිබුණා. එම භාණ්ඩ හා බහාලූ අතර පුවක්, බාස්මතී සහල්, ටයිල්, වාහන, වාහන අමතර කොටස්, රෙදිපිළි, ලිපිද්‍රව්‍ය, මත්පැන් හා එතනෝල් ද වන බව වාර්ථා වනවා. මෙම බහාලු හේතුවෙන් වරාය අධිකාරියට…

ජපන් රජයෙන් ශ්‍රී ලංකා පොලිසියට විශේෂ පරිත්‍යාගයක්

ජපාන රජය විසින් ශ්‍රී ලංකා පොලිස් දෙපාර්තමේන්තුවේ පරිහරණය සඳහා විශේෂ පරිත්‍යාගයක් සිදුකර තිබෙනවා. එම පරිත්‍යාගයට යතුරුපැදි 150ක්, වෑන් රථ සහ කුඩා බස් රථ 74ක් සහ නිරීක්ෂණ උපකරණ 115ක් ඇතුලත්. එම පරිත්‍යාගය සංකේතාත්මකව ජනාධිපති රනිල් වික්‍රමසිංහ මහතා වෙත භාරදීම ජනාධිපති ලේකම් කාර්යාලයේදී සිදු කෙරුණා. එමෙන්ම ජපාන විදේශ කටයුතු රාජ්‍ය අමාත්‍ය ටකේයි ෂුන්සුකේ මහතා විසින් මෙම උපකරණය ලබාදීමට අදාළ ලිපි ලේඛන ජනාධිපතිතුමා වෙත පිළිගැන්වා තිබෙනවා. ශ්‍රී ලංකා පොලිසියට ඔවුන්ගේ විමර්ශන කටයුතු පහසු කරවීම සඳහා ජපාන රජය විසින් මෙම උපකරණ තොගය පරිත්‍යාග කර තිබුණා.

ජනපති විදෙස් අමාත්‍යවරු පිරිසක් හමුවෙයි

75 වන නිදහස් සැමරුම් උත්සවයට සහභාගිවීම සඳහා ඉන්දියාව, භූතානය, බංග්ලාදේශය, පාකිස්ථානය, නේපාලය සහ මාලදිවයින යන රටවල් නියෝජනය කරමින් මෙරටට පැමිණි අමාත්‍යවරු ඊයේ (04) පස්වරුවේ ජනාධිපති කාර්යාලයේ දී ජනාධිපති රනිල් වික්‍රමසිංහ හමු වී සාකච්ඡා පවත්වා තිබෙනවා. ජනාධිපති මාධ්‍ය ඒකකට සඳහන් කළේ, ඉන්දීය විදේශ කටයුතු රාජ්‍ය අමාත්‍ය වී. මුරලිදරන් පළමුව ජනාධිපති රනිල් වික්‍රමසිංහ හමුවී සාකච්ඡා පැවැත් වූ බවයි. එහිදී‍ ආණ්ඩුක්‍රම ව්‍යවස්ථාවේ 13 වැනි සංශෝධනය ක්‍රියාත්මක කිරීම සහ ජන කොටස් අතර සහජීවනය තහවුරු කිරීමට ගෙන ඇති ක්‍රියාමාර්ග පිළිබඳව අවධානය යොමු ව තිබෙනවා. ශ්‍රී ලංකා රජය ගෙන ඇති එම පියවර පිළිබඳව ඉන්දීය විදේශ කටයුතු…

Page 1 of 1014
1 2 3 1,014