හෙරොයින් සන්තකයේ තබාගනිමින් ත්‍රීරෝද රථයක ගමන් කල සැකකරුවෙක් ත්‍රීරෝද රථයත් සමඟම රන්න ලේන මුල්ල ප්‍රදේශයේදී ඊයේ (21) අත්අඩංගුවට ගෙන තිබෙනවා.

පොලීසිය සඳහන් කළේ සැකකරු සන්තකයේ තිබී හෙරොයින් ග්‍රෑම් 11යි මිලිග්‍රෑම් 450ක් සොයාගත් බවයි.

අත්අඩංගුවට ගත් සැකකරු වයස අවුරුදු 27ක් වන බෙලිඅත්ත ප්‍රදේශයේ පදිංචිකරුවෙක්.

ත්‍රීරෝද රථය පොලිස් නිලධාරීන් පරීක්ෂා කිරීමට නැවැත්විමේදී එක් සැකකරුවෙක් පළා ගොස් ඇති බව හුංගම පොලීසිය සඳහන් කළා.

හුංගම පොලීසිය වැඩිදුරටත් සඳහන් කළේ පළාගිය සැකකරු අත්අඩංගුවට ගැනීම සඳහා වැඩිදුර විමර්ශන සිදු කරන බවයි.

(lknews.lk)