දින හතරකට වැඩි කාලයක් උමං මාර්ගයක සිරවී සිටින ඉන්දීය කම්කරුවන් 40 දෙනෙකු බේරා ගැනීම සඳහා විශේෂ යන්ත්‍රයක් යොදවා තිබෙන බව විදෙස් මාධ්‍ය පවසනවා.

එම යන්ත්‍රය බදාදා (15) දිල්ලි නුවර සිට ගෙන්වා ගෙන ඇත්තේ වෙනත් යන්ත්‍රයක් භාවිතයෙන් සුන්බුන් අතරින් උමග සිදුරු කිරීමට ගත් උත්සාහය අසාර්ථක වීමෙන් පසුවයි.

මෙම යන්ත්‍රය මගින් සේවකයන්ට නල හරහා හරහා යා හැකි නලයක් ඇතුළු කළ හැකි වන පරිදි උමග සිදුරු කිරීමට උපකාරී වනු ඇති බවයි වාර්තා වන්නේ.

නාය යෑමක් හේතුවෙන් උමගේ කොටසක් කඩා වැටීමෙන් පසු ගෙවී ගිය ඉරිදා සිට ඔවුන් එහි සිරවී සිටිනවා.

සේවකයින් මීටර් 200 ක් පමණ උමග තුළ සිරවී ඇති බවත් ඔවුන් ආරක්ෂිතව සිටින බවත් බලධාරීහු පවසනවා.

මෙහෙයුම්කරුවන් මිනිසුන්ට ආහාර, ජලය සහ ඔක්සිජන් පයිප්ප හරහා සපයා ඇති අතර වෝකි ටෝකි හරහා ඔවුන් සමග සන්නිවේදනය කරන බව විදෙස් මාධ්‍ය සඳහන් කරනවා.

කෙසේ වෙතත්, ඔවුන්ගෙන් කිහිප දෙනෙකුට හිසරදය, කාංසාව සහ ඔක්කාරය ඇති වී ඇති බවයි සමහර මාධ්‍ය වාර්තා පෙන්වා දෙන්නේ.
(lknews.lk)