මත්තල ජාත්‍යන්තර ගුවන් තොටුපළේ මෙහෙයුම් රුසියා - ඉන්දීය ඒකාබද්ධ පෞද්ගලික සමාගමක් වෙත පැවරීමට අවධානය යොමුව තිබෙනවා.

වරාය හා ගුවන් සේවා අමාත්‍යාංශ ලේකම් කේ.ඩී.එස්. රුවන්චන්ද්‍ර සදහන් කළේ, මේ සම්බන්ධයෙන් සිදු කෙරෙන සාකච්ඡා අවසන් අදියරේ පවතින බවයි.

මීට අදාළ අමාත්‍ය මණ්ඩල පත්‍රිකාව ඉදිරි සති කිහිපය තුළ දී කැබිනට්ටුව වෙත ඉදිරිපත් කරන බවද ඔහු කියා සිටියා.

ඉන් අනතුරුව අදාළ සමාගම සමග ගිවිසුම් ගත වීමට නියමිත අතර ඒ අනුව ගුවන් තොටුපළ කාර්ය මණ්ඩලයට වැටුප් ගෙවීම ද අදාළ සමාගම විසින් සිදු කරනු ඇති.

මත්තල ගුවන් තොටුපළ නඩත්තුව සදහා වාර්ෂිකව රජය රුපියල් මිලියන 2,000ක් වැය කර කරනු ලබනවා.
(lknews.lk)