එක්සත් ජනපද රාජ්‍ය ලේකම්වරයා තුර්කියට පැමිණ ඇති අතර කලාපයේ රාජ්‍ය තාන්ත්‍රික සංචාරය දිගටම කරගෙන යන අතරතුර එහි පැමිණ ඇති බව විදෙස් මාධ්‍ය වාර්තා කරනවා.

මීට පෙර බැග්ඩෑඩ්හිදී අදහස් දක්වමින් ඇන්ටනි බ්ලින්කන් පැවසුවේ ප්‍රාදේශීය නායකයින් ගාසා තීරයේ මානුෂීය විරාමයක් පිළිගන්නා බවයි.

මේ අතර තම ප්‍රහාරයේ යම් විරාමයකට එකඟ වීමට පෙර ප්‍රාණ ඇපකරුවන් නිදහස් කිරීමේ ප්‍රගතිය අවශ්‍ය බව ඊශ්‍රායලය පවසනවා.

වැඩිදුරටත් ඊශ්‍රායල හමුදාව පවසන්නේ ගාසා නගරයේ දකුණේ වෙරළ තීරයට තම හමුදා ළඟා වී ඇති බවයි.

ඊශ්‍රායලය ගාසා තීරයට බෝම්බ හෙලීමට පටන් ගත්තේ හමාස් සංවිධානය ඊශ්‍රායලයේ 1400කට අධික පිරිසක් ඝාතනය කර තවත් 200කට අධික පිරිසක් පැහැරගෙන යාමෙන් පසුව බවද විදෙස් මාධ්‍ය පවසනවා.

එමෙන්ම ගාසා තීරයේ හමාස් පාලනය කරන සෞඛ්‍ය අමාත්‍යාංශය පවසන්නේ ඔක්තෝබර් 7 වනදා සිට 9,700 කට වැඩි පිරිසක් මිය ගොස් ඇති බවයි.
(lknews.lk)