2024 අධ්‍යයන පොදු සහතික පත්‍ර උසස් පෙළ විභාගයේ දෙවන අදියර සැලසුම් කළ පරිදි අද (04) සිට ආරම්භ වනවා.

පසුගිය නොවැම්බර් 27 වනදා සිට ඊයේ (03) දිනය දක්වා දින 06ක කාලයක් උසස් පෙළ විභාගය පැවැත්වීමට නොහැකි වුණා.

ඒ දිවයිනට බලපෑ අයහපත් කාලගුණික තත්ත්වය හේතුවෙන්.

විභාග කොමසාරිස් ජනරාල් අමිත් ජයසුන්දර සඳහන් කළේ විභාග කාලසටහනේ සඳහන් පරිදි අද සිට විභාග කටයුතු සිදු කරන බවයි.

එමෙන්ම තවදුරටත් ප්‍රවාහනය සහ මාර්ගවල යම් ගැටලුසහගත තත්ත්වයන් තිබේ නම් එම සියලුම ගැටලු සම්පූරණයෙන්ම විසඳීමට කටයුතු කරන බවද ඔහු සඳහන් කළා.
(lknews)